2024 жылдың 29 ақпанында Абай атындағы ҚазПУ-де «ШАЙQAS» интеллектуалды сайысында Абылай хан атындағы ҚазХҚжәнеӘТУ-нің «Журналистика» білім беру бағдарламасының 2 курс студенттері жүлделі 3-ші орынға ие болды:

Педагогикалық факультеттің 2 курс студенті, факультет Лидері Інкаш Назерке 2024 жылғы 7-9 ақпанда Лион қаласында (Франция) «Ғылыми қоғамдастықтың біздің заманымыздың жаһандық сын-қатерлеріне интеграциясы» атты IX Халықаралық ғылыми-тәжірибелік конференцияға онлайн түрде қатысып, ғылыми жобасы жинаққа шықты. Жетекшісі педагогикалық ғылымдар магистрі Бейсенова Дамира Маратовна.

Ақпан айы ҚазХҚ және ӘТУ университетінің аударма және филология факультетіндегі оқиғаларға бай ай болды. Оқиғалардың шапшаң құбылуындағы маңызды сәт 21 ақпанда өткізілген "Аударма және филологиядағы мәдениетаралық коммуникация мәселелері" атты студенттік конференция болды.

Абылай хан атындағы Қазақ халықаралық қатынастар және әлем тілдері университетінің Халықаралық қатынастар, құқық және бизнес факультетінің "Халықаралық бизнес" кафедрасы 2024 жылғы 20 ақпанда "Бизнес-жоспарлау" пәні бойынша онлаин халықаралық студенттік олимпиада өткізді.

20 ақпан 2024 жылы Абылай хан атындағы Қазақ халықаралық қатынастар және әлем тілдері университетінің «6В11102 Мейрамхана ісі және мейманхана бизнесі» білім беру бағдарламасының 101 топ студенттерімен «Ұлт ұстазы – Ахмет Байтұрсынұлы» тақырыбында танымдық тәрбие сағаты өткізілді. Соған орай Ахмет Байтұрсынұлының өмірі мен шығармашылық жолымен танысу үшін Ахмет Байтұрсынұлының Мұражай-үйіне экскурсияға барып қайтты.

2024 жылдың 20 ақпанында шығыстану факультетінде шығыс филологиясы кафедрасының қытай тілі бөлімінің оқытушысы Райхан Багиланың жетекшілігімен 306 топ ұйымдастырған “Қытай елінің өнері мен мәдениеті” атты қызықты және танымдық іс-шара өтті.

2024 жылғы 19 ақпанда 207/3 аудиторияда сағат 10:55-12:40 аралығында э.ғ. к., ассоц профессор  С. О. Читанова "Халықаралық бизнес" білім беру бағдарламасының 4 курс орыс бөлімі студенттерімен Іскерлік ойын түріндегі "ҚР сыртқы саудасы" тақырыбында ашық сабақ өткізді.

2024 жылдың 13-ақпанында Абылай хан атындағы Қазақ халықаралық қатынастар және әлем тілдері университетінің Аударма және филология факультетінің синхронды аударма кафедрасы студенттер арасында «Синхронды аудармашы» байқауын сәтті өткізді. Іс-шара шығармашылыққа, тілдік шеберлікке және студенттердің аудармашылық дағдыларының тамаша көрсетіліміне толы болды.

2024 жылдың 13 ақпанында "Қоғаммен байланыс" мамандығының студенттеріне PR эксперті Асель Алимхановадан "PR мамандығының қоғамға әсері" тақырыбына мастер класс өтті.

2024 жылдың 2-ақпанында ҚР Ұлттық кітапханасының үлкен залында Алматы қаласындағы Қытай Халық Республикасының   Бас консулдығымен бірлесіп ұйымдастырылған “Қытайша өркениетімен танысу - поэтикалық Чаньань, тамаша өркениет туралы естелік “ тақырыбында онлайн іс-шара өткізіліп,Шығыстану факультетінің деканы,с.ғ.қ., проф   Кағазбаева Э.М ,  Конфуций институтінің профессоры Ши Лунвэй,  оқытушы Ху Хунъюя, Шығыс тілдерінің аудармасы кафедрасының аға оқытушылары  Аділәлі Ж мен Ашимбаева А, Шығыс филология кафедрасының оқытушысы Меллат Д  және Шығыстану факультетінен 1 және 2- курс студенттері қатысып ,  рухани азық алып қайтты.

BGF компаниясы Оңтүстік Корея нарығында 2009 жылдан бері жұмыс істейді. Оңтүстік Корея, Моңғолия мен Малайзияда 17400-ден астам бөлшек сауда нүктелері бар. Қазақстанда желі ашуды жоспарлап отыр.

Қазақстан Республикасы Білім және ағарту министрлігінің ақпараттық қолдауымен және «Bilim-orkenieti» Ұлттық инновациялық ғылыми-зерттеу орталығының ұйымдастыруымен дарынды студенттер арасында байланыс орнату мақсатында 2023 жылдың 8 желтоқсанында Л.Гумилев атындағы ЕҰУ базасында «XXI ҒАСЫР КӨШБАСШЫСЫ» республикалық форумы өтті. Форум барысында үздік студенттер марапатталды.

Шығыс филологиясы кафедрасының аға оқытушысы, PhD Қытайда қорғаған Меллат Ділнәр ҚХР Тілдерді оқыту және ынтымақтастық орталығы ұйымдастырған жас синолог-зерттеушілер курсында ғылыми бағытын жетілдіріп қайтты. Бұл бағдарламаға әлемнің түкпір-түкпірінен 22 жас зерттеуші қатысты, оның ішінде оқытушы Д. Меллат Қазақстанның атынан жалғыз қатысып, сертификат алды.

Абылай хан атындағы Қазақ халықаралық қатынастар және әлем тілдері университетінің "Білім беруді кәсіби цифрландыру" кафедрасы мен қашықтықтан білім беру орталығы факультеттерінің студенттері арасында цифрландыру күніне арналған біздің университет ректоры Салима Сағиқызы Құнанбаеваның 80 жылдығына орай 2023 жылғы 08 желтоқсанда "Компьютерлік лингвистика" тақырыбы бойынша Питон бағдарламалау тілін пайдалана отырып, жобалардың университет студенттерінің конкурсын дайындап, өткізді.

2023 ж. 8 желтоқсанда Астана қаласында «Bilim-orkenieti» ұлттық инновациялық ғылыми-зерттеу орталығы мен «Үздік студенттер академиясының» ұйымдастыруымен Тәуелсіз мемлекеттер достастығының студенттері арасында «ТМД-ның ҮЗДІК СТУДЕНТІ - 2023» атты халықаралық байқауы өтті. Бұл халықаралық байқауға Абылай хан атындағы ҚазХҚжӘТУ-дің «Шығыстану» білім беру бағдарламасының 4 курс студенті Қодас Мақпал қатысқан болатын. Нәтижесінде, Қодас Мақпал І дәрежелі дипломмен және медальмен марапатталды. Университетіміз бен факультетіміздің мәртебесін асқақтатқан студентімізді шын жүректен құттықтаймыз!

2023 жылдың 5 желтоқсанында Түрікменстан астанасы Ашхабадта жоғары оқу орындарының студенттері арасында экология бойынша II ашық халықаралық интернет-олимпиада өтті.

2023 жылғы 30 қарашада Абылай хан атындағы ҚазХҚжәнеӘТУ-де «Қазақстан Республикасының тұрақты даму тұжырымдамасы және оны қазіргі жағдайда іске асыру» тақырыбында жыл сайынғы Халықаралық ғылыми-практикалық студенттік конференция өтті.

WorldSkills International – 1946 жылы құрылған халықаралық коммерциялық емес бірлестік, оның миссиясы бүкіл әлемде кәсіби дайындық пен біліктіліктің мәртебесі мен стандарттарын көтеру, жұмысшы мамандықтарды танымал ету және беделін арттыру болып табылады. Негізгі мақсаты 22 жасқа дейінгі жастар арасында түрлі деңгейдегі кәсіби жарыстарды ұйымдастыру және өткізу. Бүгінде ұйымның қызметіне 80 мемлекет, оның ішінде Қазақстан да қатысады.

2023 жылғы 13-24 қараша аралығында Халықаралық қатынастар, құқық және бизнес факультетінде, философия докторы Васин Прадицилп "Цифрландыру дәуіріндегі кәсіпкерлік" тақырыбында "Халықаралық бизнес"білім беру бағдарламасының студенттеріне дәрістер курсын өткізді. Доктор Васин Прадицилп - халықаралық коммуникация саласындағы сарапшы, Таиланд Корольдігі Валайлак университетінің Халықаралық колледжі BBA халықаралық бағдарламасының Президенті.

Абылай хан атындағы ҚазХҚ және ӘТУ-дің «Білім беруді кәсіби цифрландыру» кафедрасы 22 қараша 2023 ж. университетіміздің ректоры Құнанбаева Салима Сағиқызының 80 жылдық мерейтойына арнап Алматы қаласының жоғары оқу орындары студенттері арасында дәстүрлі (офлайн)  форматта студенттік пәндік олимпиада өткізді.