2025 жылдың 3 сәуірінде «Мейрамхана ісі және мейманхана бизнесі» білім беру бағдарламасының 1-курс студенттері үшін «ALMATY» қонақүйінде «Мейрамхана ісі және мейманхана бизнесіндегі инфрақұрылым» және «Қонақүйлер мен мейрамханаларды жобалау және дизайн негіздері» пәндерінен Заманбекова Алтынашаш Булатовна және Терликбаева Жанар Серікханқызының жетекшілігімен тәжірибелік дәріс ұйымдастырылып, өткізілді.
Дәрістің мақсаты – студенттердің теориялық білімдерін тереңдету және оларға қонақүй мен мейрамханалық объектілерді жобалау мен инфрақұрылымның маңызды аспектілерімен тәжірибе жүзінде танысуға мүмкіндік беру.
Дәріс студенттерге қонақүйдің клиенттермен жұмыс істейтін менеджері Болатбекова Айгерим Айдыновна тарапынан өткізілді.
Менеджер қонақүйде экскурсия жүргізіп, студенттерге жобалау, дизайн және инфрақұрылымның негізгі аспектілері қалай жүзеге асырылатынын көрсетті. Студенттер архитектуралық элементтер мен интерьердің дұрыс үйлесімін сараптауға және қонақтарға жайлы да қауіпсіз жағдайлар жасау процесін бағалауға мүмкіндік алды. Кеңістіктің эргономикасына және қонақтар үшін ыңғайлылық пен қазіргі заманғы қауіпсіздік стандарттарына сәйкестігіне ерекше көңіл бөлінді. Дәріс барысында студенттер сұрақтар қойып, менеджермен осындай объектілерді жобалау және іске асыру тәжірибесі туралы мәселелерді талқылады. Менеджер эстетика мен функционалдылық арасындағы тепе-теңдіктің қонақүйдің ерекше атмосферасын жасау үшін қаншалықты маңызды екеніне назар аударды.
- Нақты жобалармен және олардың инженерлік құрамдас бөліктерімен танысу;
- қонақүй және мейрамхана интерьерлерінің функционалдығы мен эстетикасын талдау;
- дұрыс инфрақұрылымның қонақүй бизнесінің жалпы табысына әсерін бағалау студенттер үшін негізгі сәттер болды.
Тәжірибелік дәрістің қорытындысы бойынша студенттер тек өз білімдерін байытумен шектелмей, болашақ кәсіби қызметінде пайдалы болатын практикалық тәжірибе де алды.