2025 жылғы 6 мамырда Абылай хан атындағы Қазақ халықаралық қатынастар және әлем тілдері университетінде Отан қорғаушылар күні мен Ұлы Жеңістің 80 жылдығына арналған салтанатты іс-шаралар өтті. Мереке аясында әскери кафедра студенттерінің саптық шеруі ұйымдастырылды. Бұл шеру болашақ офицерлердің жоғары деңгейдегі дайындығы мен тәртібін көрсетті, сондай-ақ ұрпақтар сабақтастығы мен еліміздің әскери тарихына деген құрметтің нышанына айналды.
Парадтың жалғасы ретінде университет сахнасында мазмұнды да әсерлі мерекелік концерт өтті. Шара барысында студенттер мен университеттің студенттік оркестрі орындаған патриоттық әндер шырқалып, халық билері көрсетілді, сондай-ақ соғыс жылдарындағы өмірді бейнелейтін шағын сахналық қойылым ұсынылды. Бұл қойылымдар көрермендердің жүрегінен орын алып, Отан қорғаған батырлар ерлігін еске салатын жарқын көрініске айналды.
Мерекелік іс-шаралар ерлікке тағзым етіп қана қоймай, жас ұрпаққа патриоттық тәрбие берудің маңыздылығын да айқын көрсетті. Абылай хан атындағы ҚазХҚжәнеӘТУ азаматтық құндылықтарды, тарихқа деген құрметті және ел болашағына деген жауапкершілікті жастарға сіңіру ісін жалғастыруда.
.png)
