2024 жылдың 10 қазанында Абылай хан атындағы Қазақ халықаралық қатынастар және әлем тілдері университетінің «Қоғаммен байланыс» білім беру бағдарламасының үшінші курс студенттері қырғыз режиссері Мирлан Абдыкалыков түсірген «Қалыңдықты алып қашу» фильмінің тұсаукесеріне қатысты.
Фильм қыздарды мәжбүрлі түрде тұрмысқа беру мақсатымен алып қашу мәселесін көтереді, бұл мәселе Қазақстанда да, Қырғызстанда да өзекті болып қала береді. Фильмнің басты кейіпкері – 19 жастағы медбике Үміт, ол қалыңдықты алып қашудың құрбаны болады. Бұл шынайы оқиғаларға негізделген сюжет әйелдердің зорлық-зомбылыққа ұшырауы мен еркіндіктен айырылуына назар аудартуды мақсат етеді.
Фильм көрсетіліміне сондай-ақ Қазақстандағы БҰҰ Халықтың қоныстануы қорының (UNFPA) құрметті елшісі, әнші Ақмаржан Күшербаева және құқық қорғаушы, журналист, SVET қорының негізін қалаушы Мөлдір Жұмабаева қатысты. Олар қыздарды мәжбүрлі түрде алып қашу мәселесіне қатысты өз көзқарастарымен бөлісті. Спикерлер қоғамда диалог орнатып, жастардың әйелдер құқығына қатысты әлеуметтік мәселелерді шешуге белсенді араласуының маңыздылығын атап өтті.
Көрсетілімнен кейін студенттер фильм туралы өз ойларымен және сезімдерімен бөлісті. Бұл талқылау оларға зорлық-зомбылықпен күресу және әйелдер құқығын қорғау қажеттілігін түсінуге көмектесті. Фильм қатысушыларды қоғамдағы пікірді өзгертуге және зорлық-зомбылық құрбандарына қолдау көрсетуге қалай үлес қосуға болатыны жайлы ойлануға шабыттандырды.
.png)
