Алматы, Қазақстан, 2024 жылғы 28 қараша. Абылай хан атындағы Қазақ халықаралық қатынастар және әлем тілдері университетінде (ҚазХҚжӘТУ) VI Корейтану апталығының ашылуына орай LG Electronics компаниясының Ресей және ТМД елдеріндегі президенті ЁнгНам Ро студенттерге ағартушылық дәріс оқыды.
«Біз студенттермен басқару мен әлеуметтік жобалардың маңыздылығы, елдеріміздің даму тарихы және коммуникация мәселелері туралы көп әңгімелестік. Кітап авторы ретінде мен университетте үлкен ғылыми жұмыстар жүргізіліп, конференциялар мен олимпиадалар ұйымдастырылып, оқулықтар әзірленіп жатқандығына қатты таңдандым. Корей қоры мен Корейтану орталығының ерекше жұмысының арқасында бүгін ҚазХҚжӘТУ-де ұйымдастырылған конференция студенттерді, оқытушыларды және ресми тұлғаларды біріктіріп отыр. Елдеріміздің тілі мен мәдениетіне құрмет көрсету, берік экономикалық, ғылыми және әлеуметтік-мәдени байланыстар орнатуға ұмтылу – біздің жұмыстың мызғымас негізі», – деп Ро мырза атап өтті.
Өз дәрісінде Ро мырза Кореяның тарихы, Корея мен Орталық Азияның әлеуметтік-мәдени және экономикалық байланыстарының Ұлы Жібек жолы дәуірінен басталуы, сондай-ақ ынтымақтастықтың бірнеше негізгі бағыттарын қамтитын жаңа «K-Silk Road» бастамасының болашағы туралы баяндады. Дәріскер Орталық Азияда тұратын корейлердің өміріне тоқталып, көптеген елдерде, соның ішінде Қазақстанда жұмыс істеу тәжірибесімен және осы аймақ елдеріне жасаған сапарларынан алған әсерімен бөлісті.
Дәріс барысында тыңдаушылар болашақ технологиялары, «эмпатиялық» қамқор интеллект және LG компаниясының AI үйінің мүмкіндіктері туралы тың ақпарат алды. Олардың ішінде халықаралық IFA 2024 көрмесінде ұсынылған AeroCat мысыққа арналған төсегі бар интеллектуалды ауа тазартқышы, үй роботы, сондай-ақ LG компаниясының «Bon Voyage» деп аталатын смарт көлігі мен кемпингтік трейлері болды. Бұл трейлер саяхат пен табиғат аясында демалу үшін жеке мобильді тұрғын кеңістігі ретінде дайындалған. Интерактивті диалог форматында студенттер лектормен бірге LG өнімдеріне негіз болатын 3F (Fit, Feel, Finish – сәйкестік эстетикасы, сезімдерді зерттеу және түпкі нәтижені бағалау) дизайн философиясын талқылады. Бұл тәсіл эстетика мен функционалдылықты үйлестіре отырып, құрылғылардың практикалық қолданылуын, әрбір бөлшекті үнемі жетілдіруді, құрылғы функцияларының қолжетімділігін және зерттеулер жүргізуді қамтиды.
.png)
