7M02313 – Шетел филологиясы

«Шетел филологиясы» білім беру бағдарламасы ағылшын тілін (француз, неміс, т.б.) жоғары деңгейде меңгерген, бірқатар құзыреттіліктерге ие магистр-филологтарды дайындайды. Құзыретті оқытушылар құрамы, желілік мүмкіндіктер, еліміздің ең жақсы ғылыми-зерттеу институттарында тағылымдамадан өту – бұл бағдарламаның артықшылықтарының бірі ғана.

• Гранттық конкурсқа қатысу үшін ең төменгі балл – 75.
• КТ тапсыруға арналған негізгі пәндер: «Оқылатын тіл теориясының негіздері» және «Кәсіби-бағдарлы шет тілі».

Ғылыми-педагогикалық магистратура 2 жылға созылады және бакалавриаттың ғылыми-зерттеу қызметін, академиялық дайындықты, оқу-әдістемелік және ғылыми тәжірибені қамтиды. Осы екі жыл ішінде магистрант шетел филологиясы бойынша кешенді білім алады, оның ішінде қазіргі филологиялық зерттеулердің әдістемесі, когнитивтік лингвистиканың негіздері, лингвомәдениеттану, әдебиеттану және басқа да тіл ғылымдарының жаңа бағыттары бойынша жан-жақты білім алады, сонымен қатар аналитикалық дағдыларын жетілдіреді.

• Теориялық білім беру: философиядан когнитивтік лингвистикаға дейін.
• Зерттеу қызметі: құзыретті профессорлардың жетекшілігімен диссертациялар мен мақалалар жазу.
• Педагогикалық тәжірибе: бакалавриат студенттеріне филологиялық пәндерді оқыту дағдыларын жетілдіру.
• Зерттеу тәжірибесі: еліміздің жетекші ғылыми орталықтарының семинарларына, форумдарына және іс-шараларына қатысу, магистрлік диссертацияны жетілдіру.

«Шетел филологиясы» бағыты бойынша магистратураға түсу үшін Абылай хан атындағы ҚазХҚжӘТУ таңдау себептері:

• Үздік педагогикалық ұжым;
• Шетелдік университеттердің семинарлары мен курстарына қатысу мүмкіндігі;
• Таңдалған тілді, оның тарихы мен мәнін терең меңгеру, оның дамуына әсер ететін процестерді түсіну;
• Мансап мүмкіндіктері: оқытушылық, ғылыми орталықтардағы ғылыми қызмет, баспа ісі, мәтінмен және тілмен жұмыс істеу, аударма.

Соның нәтижесінде болашақ филология ғылымдарының магистрі тілдің мәні мен оның даму кезеңдерін жете түсінетін, теориялық білімі мен практикалық тәжірибесін біріктіре алатын, филология пәндерінің дамуын болжайтын, әлемдегі жаһандану үрдісіне бейімделетін жоғары білікті маманға айналады.